Salan kadib waxan qormadan maanta ku eegayna arin u eeg masiibo qaran balse inteena badan ka mooganay, waa arin taabanaysa dareenka muwadin kasta oo lexejeclo kale dalkiisa iyo dadkiisa, arintan oo ah mid inagu ugub, waa hubaal inay mustabalka fog inagu keeni doonto cawaaqib xumo dhamaanten ina samaysa.
Anoo huba in wakhtigan lagu kala aragti duwanan karo, ama lagu doodi karo wa duruuf laga baxayo hadana waxa xusid mudan murtidii somaliyeed ee ALUFKAD KABOODA ALBAQRUU KU DHIBA, oo xikmadeedu tahay wixi bilawga hore la khaldaa hadhaw ayay adkata sixidiisu, waana xalada maanta igu kaliftay inan qoro maqaalkan isugu jira Baraarujinta iyo Baroordiiqada xalada Ardayda Dalka guud ahaan, gaar ahaana kuwa Jamacadaha.
Waxay waxwalba milgo iyo sharaf yeeshan marka ehelkeeda loo daayo, loona nisbeeyo cidii u qalanta, dhanka kalena waxay karamo dhulka gasha marku qofku hunguri iyo dano shakhsiya u baabiyo meelna ugaga dhaco danta guud, hadaan kusoo dhawaado nuxurka qormadayda, waxan ad uga xumay xalada ardayda guud ahan gaar ahan heer Jamacadeed ee dalka.
Laga soo bilaabo min Dugsi hoose ila heer Jamacadeed dhankad eegtaba waxad arkaysa waxay indhahaagu diidan kuna tilmaami karno masiibo ku habsatay Bahda Waxbarasho ee Dalka, markad eegto Manahijta kala duwan ee carurtena loo dhigo, Tayada iyo Xalada macalinta dugsiyada Hooose/Dhexe iyo Sare iyo Deganka Waxbarasho, iyo guud ahaan nololsha qalafsan ee Bahada waxbarashada, waxad dalacan karta halku ku socodo masirka umadeenu, adoo dhanka kalena la dhacaya u heelananta walidiinta ee la dagalanka Jahliga.
Iyado waxaso dhani jiran ayaa waxa dhawanahan ku darsantay in Aqoontii Sare ee Dalka u eekatay mid usocota marxalad damiirka nooli diidayo, waxa caadi noqotay in qofkasta Guri 5 qola ku tilmaamo Jamacada isagoo College ama Jamacad yar oon dalalkoda laga aqonsa kuna yaal dalalka jaarka kasoo qadanaya waraqo, macalimina u qoranaya Arday aan wali qabyo tir ku samayn heerkoda wax barasho, kuwaso shaqo la'aanita jirta darteed u qadanaya tamashirta, iskuna wajibinaya shaqo aanay Aqoonteedi iyo Wayo aragnimadeedi lahayn, ama ugu yaran an ahayn Riyadodi nololed.
Waxa nasiib dara in tacliinta sare ama aqoonta Jamacadeed gasho marxaladii 2000 ay marayeen Bareefadada Englishta lagu barto, oo xaladoodu ahayd ARDAYDA WAXAD BARTA ERAYADA AAD DHEERTAY.taaso kuu mujinaysa in Macalinka iyo Ardaygiisu anay ku kala sarayn Da'a , Wayo Aragnimo iyo Aqoon durugsan balse uu Macalinku u macnayn karo casharka uu samuurada ku qoro, waana arin marag ma doona oo dalkeena ka tagan.
Dhanka kale waxa xusid mudan in dhaman ardayda ama inta badan ka qalinjabiyey jamacadaha dalku macalimiin ka yihiin Jamacado kale, ama kuwo kasoo baxay dalalka jaarka, kuna so qatay mudo 4 sano iyo wax udhigama, ay yihin Barayal wax bara ardayda Jamacada dalka, iyadoo xaaladu u eegtay AAN KALA SHAQAYSANO!
Hadaba waxa is way diini le yaa Jamacada macalin ka noqon kara, maxa shuruuda oo loga bahan yahay, Master qudha miyaa awood ule inoo wax u dhigo arday heer jamacadeeda, dhaman su'lahani wa kuwo la dayacay in lays waydiiyo, waxan ogsoonay in darajada Jamacad wax laga dhiga marto heerar kala ah: Cawiye Profesor(Assitant Lecturer), Baro hose (Lecturer), Cawiye Bare sare (Assisstent Profesor), Bar Sare (Profesor), Bare aad u Sare (Senior Profesor), arinta markad eegto ood barbar dhigto wararka dhahaya Hebel Jamacadu wax kadhiga waad Naxaysa, adoo odhanaya war maxala losoo waxyooday mise Jamacadan jamacdihii la yaqaan ahayn.
Inta badan qofka jamacad wax ka dhigaya waa inuu yahay qof khabiir ku ah wuxu ardayda barayo, waa inuu ka sameeyey qoraalo badan, kuna qora goobaha cilmiyada sida majalooyinka, wargaysada wawayn, xurmaha doodaha, waa inuu yahay qof loo noqod markay madada timado, tusale ahaan Baraha madada Dhaquluhu waa inuu yahay qof talo iyo tusale ku le hanan socodka dhaqalah dalka.
Baraha jamacadu wa inuu yahay mid uu ardaygu ku ixtaramayo Da'a, Aqon, Wayo-aragnim iyo Sumcad u ku dhexleeyey bulshada, dhanka kale waa inuu yahay mid Ardayga u noqon kara meel uu hiigsado, oo ku dhiiri galisa madaduu barayo, balse arinta maanta waxad mooda inay tan cagsigeeda tahay.
Arinta samaynta ay guud ahan inagu kenayso waxa u wayn in ay soo baxan arday aan u qalmin heerkoda waxbarasho, wayo isaga iyo barihisu waxba isma dheerayn, tani waxa ka dhalanaya hoso u dhaca awoodi Ikhtiracnimo ee ardayda, Laba waxa imanaysa in la waaayo cid aqoonta ku xidha dhaqanka, diinta iyo duruufeheena nololeed, Sadex waxa ka dhalanaya in ardaydii niyad jab ku imado markay arkan kuwii ka horeyey oo macalimiina ama macalinti oo dayo fican an lahayn, halkana kaga hadhan hamigodi wax barasho, kadibna ay hoos u dhacan ardayda kaso baxaya jamacada dalku, Afar in aqoonti iyo saqaafadi guud ee dalku hoose u dhacdo marka la waayo dadki khubarada ku ahaa tana ay keenta in karamadi dalka iyo dadku hoosta gasho. Shan in hibadi iyo karamidi u dhaxaysay baraha iyo bartuhu lunto,
Hadaba ugu danbaytnii anoo og xalada dhalin yarada iyo shaqo la'aanta dalka ka jirta waxan talo kusoo jeedin lahaa in dhalintu la imaadan qorshe kan ka duwan iyagoo dhalinaya fikrado ay shaqo ugu abuuran dadka iyo dalka, madamo yagu yihiin kuwi u horeeyey ee dhamaysta herarkoda waxbarasho ee asaasiga iyo inay adeegsadan maskaxdooda si ay u abuuran degan ka duwan kan Macalinimada.
Barud
Muwadin Dan wayni kaqaba Dalkisa iyo Dadkisa
No comments:
Post a Comment